‘एनपिएलले पर्यटन प्रवर्द्धन र युवा प्रतिभालाई उजागर गर्छ’

काठमाडौँ। प्रधानमन्त्री केपी शर्मा ओलीले नेपाल प्रिमियर लिग (एनपिएल) ले नेपालको पर्यटन प्रवर्द्धन र युवा प्रतिभालाई अन्तर्राष्ट्रिय मञ्चमा प्रस्तुत गर्न प्रत्यक्ष सहयोग पुग्ने बताउनुभयो ।

ऐतिहासिक धरहरा परिसरबाट सोमवार एनपिएलको ट्रफी अनावरण गर्नुहुँदै उहाँले लिगका लागि सरकारले सक्दो सहयोग र प्रोत्साहन गर्ने विश्वास दिलाउनुभयो ।

प्रधानमन्त्री ओलीले खेल क्षेत्रको विकासका लागि सरकार सधैँ खेलाडीको साथमा रहेको बताउनुभयो । एनपिएलले नेपाली क्रिकेटमा नयाँ आयाम थप्ने उहाँले अपेक्षा गर्नुभयो ।

यस खेलमार्फत युवा प्रतिभाको उजागर र नेपालीले अवसर पाएमा केही गर्छ भन्ने मान्यतालाई स्थापित होस् भन्ने उहाँले कामनासमेत गर्नुभयो । रासस