काठमाडौँ । नेपाली बजारमा सुनको मूल्यले नयाँ रेकर्ड कायम गरेको छ । लगातार उकालो लाग्दै आएको सुनको मूल्यमा आजको बढोत्तरीपछि नयाँ रेकर्ड कायम भएको हो ।
नेपाल सुनचाँदी व्यवसायी महासङ्घका अनुसार मङ्गलबार प्रतितोला १ लाख ३१ हजार दुई सयमा कारोबार भएको छापावाला सुन बुधवार प्रतितोला एक हजार आठ सयले बढेर १ लाख ३३ हजार तय भएको हो ।
यस्तै, तेजावी सुन तोलमा मङ्गलबार प्रतितोला १ लाख ३० हजार ५ सयमा कारोबार भएकामा आजका लागि भने १ लाख ३२ हजार ३५० निर्धारण भएको छ । चाँदीको मूल्य पनि उकालो लागेको छ ।
मङ्गलबार प्रतितोला १ हजार ५४५ मा कारोबार भएको चाँदी आजका लागि भने ६५ रुपैयाँले बढेर १ हजार ६१० बराबरको मूल्य निर्धारण भएको छ ।
