७ माघ २०८१, सोमबार
दमास्कस । सिरियाका विद्रोहीहरूले आइतबार राजधानी कब्जा गर्दै राष्ट्रपति बशर अल-असदलाई अपदस्थ गरेको घोषणा गरेपछि इस्लामिक समूह हयात ताहरिर अल-शामका नेता अबु मोहम्मद अल-जोलानी दमास्कस आइपुग्नुभएको छ ।
विद्रोही नेताको वास्तविक नाम अहमद अल-शाराअ द्वारा पहिचान गर्दै टेलीग्राममा जारी विज्ञप्तिमा सिरियाली राजधानीमा आइपुगेपछि उहाँले ‘अल्लाहलाई धन्यवाद दिँदै घुँडा टेकेको’ बताइएको छ ।
विद्रोहीहरूले दमास्कसमा दुई हप्ताभन्दा कम समयमा जबर्जस्त आक्रमण गरेर ‘अत्याचारी’ असदलाई अपदस्थ गरेको घोषणा गरेपछि सिरियालीहरू आइतबार परिवर्तित देशमा जागेका छन् ।
सिरियाबाट भागेपछि असदको स्थान अज्ञात छ । सिरियाको सरकारी टेलिभिजनमा पढिएको वक्तव्यले जोलानीलाई उद्धृत गर्दै भनेको छ, “हामी आफ्नो क्रान्तिका लक्ष्यहरू प्राप्त गर्न दृढतापूर्वक काम गर्न जारी राख्छौँ… हामी सन् २०११ मा सुरु गरेको बाटोलाई पूरा गर्न दृढ छौँ ।”
त्यो वर्ष असदले शान्तिपूर्ण लोकतन्त्र समर्थक प्रदर्शनकारीहरूमाथि कडा दमन गर्नुभएको थियो । यसपछि विदेशी सेना र जिहादीहरूलाई समेत समावेश गर्ने जटिल द्वन्द्व सुरु भयो ।
टेलिभिजन वक्तव्यमा भनिएको छ, “महान सिरियाली जनताको सबै अधिकार सुरक्षित नभएसम्म हामी लडाइँ रोक्दैनौँ, भविष्य हाम्रो हो र हामी विजयतर्फ अघि बढिरहेका छौँ ।” रासस/एएफपी
प्रतिक्रिया