४ माघ २०८१, शुक्रबार
उज्यालोको पर्व तिहारमा झिलिमिली बत्ती र सुमधुर गीत संगीतले गाउँघर देखि शहर सम्म रमाइलो वातावरण बनेको छ ।
घर, पसल, प्रतिस्ठान, मन्दिर आदि स्थानमा उज्यालो पार्नुका साथै देउसी र भैलो खेलेर मनाइने यो पर्वमा गुन्जिने धेरैजसो गीत अधिकांश नेपाली चलचित्रकै पर्दछन् ।
प्रत्यक वर्षको तिहारमा गुन्जिने प्राय गीत नेपाली चलचित्रबाट लिइएको पाइन्छ । हाम्रो समाजमा कालजयी बनेको एउटा तिहार गीत हो ‘भैलिनी आए आँगन’ । फिल्म ‘स्वर्ग’ मा समावेश यो भैली गीतले तिहार आएको मिठो आभास गराउँछ ।
फिल्म ‘स्वर्ग’ कै अर्को यो गीत ‘तिहारै आयो लौ झिलिमिली’ पनि तिहारमा गाउँदेखि सहरसम्म गुन्जिने गर्छ ।
धेरैले मन पराएको चलचित्र ‘चिनो’ मा समावेश गीत ‘दियो बाली साँझको’ पनि तिहारको कालजयी गीतमा पर्छ । यो गीत घन्किन थालेपछि तिहार घर-आँगनमा आइ पुगेको महसुस हुने गर्दछ ।
प्रतिक्रिया