पेट्रोल र डिजेलको मूल्य बढ्यो – हवाई इन्धनको मूल्य घट्यो

काठमाडौँ ।  नेपाल आयल निगमले पेट्रोल र डिजेलको मूल्य बढाएको छ, भने हवाई इन्धनको मूल्य घटाएको छ ।

निगम सञ्चालक समितिको  मंगलवारको बैठकले आज मध्यरातदेखि लागू हुने गरी पेट्रोलको साविकको बिक्री मूल्यमा प्रतिलिटल १ रुपैयाँ र डिजेलको मूल्यमा प्रतिलिटर २ रुपैयाँ बढाएको हो ।

निगमले हवाई इन्धन आन्तरिकतर्फ प्रतिलिटर २ रुपैयाँ र अन्तर्राष्ट्रियतर्फ काठमाडौँका लागि प्रतिकिलोलिटर अमेरिकी डलर १५ का दरले घटाएको छ । पोखरा र भैरहवाका लागि अन्तर्राष्ट्रियतर्फको हवाई इन्धनको मूल्य यथावत् राखिएको छ ।